Vefur þessi er settur upp í tilefni fimm alda afmælis siðbótarinnar sem evangelísk-lútherskar kirkjur halda hátíðlegt um heim allan árið 2017. Á vefnum má finna alla viðburði afmælisársins í tímaröð, fyrsti viðburður (janúar) fremst.
Nefnd um fimm alda minningu siðbótarinnar var skipuð af kirkjuráði árið 2012. Undanfarin ár hefur hún unnið að undirbúningi ýmissa viðburða á árinu, eins og sjá má í dagskránni. Afmælisnefndin mótaði sér þá stefnu þegar í upphafi að minnast tímamótanna með margvíslegum hætti og hefur haft það að markmiði að vera í samstarfi við einstaklinga og hópa sem spegla fjölbreytni í starfi kirkjunnar á 21. öld. Meðal annars hefur verið lögð áhersla á verkefni og viðburði sem ná til safnaða um land allt.
Nefnd um fimm alda minningu siðbótar ásamt biskupi Íslands. Frá vinstri:
- Ævar Kjartansson, tilnefndur af innanríkisráðherra
- Gunnar J. Gunnarsson, formaður tilnefndur af biskupi
- Sigurjón Árni Eyjólfsson, kjörinn af kirkjuþingi
- Agnes M. Sigurðardóttir biskup
- Solveig Lára Guðmundsdóttir, kjörin af kirkjuþingi
- Arnfríður Guðmundsdóttir, tilnefnd af Guðfræði- og trúarbragðafræðideild Háskóla Íslands
Verkefnastjóri Nefndar um fimm alda minningu siðbótar er sr. Arna Grétarsdóttir sóknarprestur á Reynivöllum.