Dagana 21. og 22. október verður frumflutningur á nýrri óratóríu, Mysterium, eftir Hafliða Hallgrímsson, sem samin er að beiðni Listvinafélags Hallgrímskirkju. Verkið er samið fyrir kóra Hallgrímskirkju, einsöngvara og hljómsveit og fjallar um sköpun heimsins og valin atriði úr sögu Krists, fæðingu, líf, dauða og upprisu. Texti verksins er á latínu, en segja má að með því sé gengið í berhögg við eina af grundvallarstefnu Lúthers að textar kirkjunnar skuli vera á móðurmáli. Með öflugum formerkjum og í alþjóðlegu samhengi er þó hugsunin sú að með því sameiginlega kirkjumáli sem latínan er verði líkurnar á útbreiðslu tónverksins og boðskapar þess mun meiri. Sérstakar þakkir fá Tónmenntasjóður kirkjunnar og Markus Möller, París, sem styðja samningu verksins.
Aðgangseyrir
5.900 kr. (50% afsláttur fyrir nemendur og öryrkja)
3.500 kr. fyrir félaga í Listvinafélagi Hallgrímskirkju (40% afsláttur)